Մեծ Բրիտանիան Դանիայի, Էստոնիայի, Լատվիայի, Լիտվայի, Նիդեռլանդների եւ Նորվեգիայի հետ պայմանավորվածություն է ձեռք բերել 10 հազար զինծառայողից բաղկացած միացյալ կորպուս ստեղծելու մասին:
Ըստ ՏԱՍՍ-ի, Փոխըմբռնման մասին համապատասխան հուշագիրը Լոնդոնում ստորագրել են նոր կազմավորումը ձեւավորող երկրների պաշտպանության նախարարները, որոնք մասնակցելու են ճգնաժամային տարբեր իրավիճակների լուծմանը:
Միացյալ Թագավորության պաշտպանության նախարար Մայքլ Ֆելոնի խոսքով, նոր կազմավորումը կողմերին թույլ կտա ավելի լավ իրականացնել տեղեկատվության, ունակությունների եւ ռեսուրսների փոխանակումը: Այն իրավունք կունենա մարտական զենք, զսպման սովորական միջոցներ կիրառել, մարդասիրական օգնություն ցուցաբերել: