Երկրի վրա կլիմայական կործանարար փոփոխությունների գլխավոր պատճառը կապիտալիզմն է: Նոյեմբերի 30-ին Փարիզում բացված Կլիմայի փոփոխությունների հարցով ՄԱԿ-ի համաշխարհային համաժողովում ունեցած ելույթում այս մասին հայտարարել է Բոլիվիայի նախագահ Էվո Մորալեսը:
Նրա խոսքով, եթե աշխարհը շարունակի շարժվել նախկին կապիտալիստական ուղով, անհետացման է դատապարտված:
ՏԱՍՍ-ի փոխանցմամբ, նոյեմբերի 30-ին Ֆրանսիայի մայրաքաղաքում են հավաքվել աշխարհի 150 երկրների ղեկավարներ՝ քննարկելու եւ, փորձագետների կանախատեսմամբ, ստորագրելու նոր համաձայնագիր, որը պետք է փոխարինի 2020 թվականին գործողության ժամկետն ավարտող Կիոտոյի արձանագրությանը:
