Թուրքական դատարանների կողմից մինչեւ 11 տարի ազատազրկման դատապարտված ստամբուլահայ հայտնի լեզվաբան Սեւան Նիշանյանին ծննդյան կապակցությամբ բանտի ղեկավարությունը որոշել է արձակուրդ տալ։
Այդ մասին սոցկայքերով հայտնել է Սեւան Նիշանյանը՝ իր բոլոր ընկերներին դեկտեմբերի 21-ին հրավիրելով Ստամբուլի Ջեզայիր ռեստորան՝ միասին նշելու իր 60-ամյակը։ «Լավ ժամանակ ենք անցկացնելու»․-գրել է Սեւան Նիշանյանը՝ շեշտելով, որ արձակուրդը տալու են դեկտեմբերի 16-ից։
Սեւան Նիշանյանը բանտում անցկացնելու է մինչեւ 11 տարի՝ անօրինական շինարարություն իրականացնելու համար:
Նշենք, որ Սեւան Նիշանյանը Հայոց ցեղասպանության մասին մշտապես բարձրաձայնել է Թուրքիայում եւ աչքի է ընկել իր անվախ պահվածքով։