Ռուսաստանի նախագահ Վլադիմիր Պուտինը եւ Իսրայելի վարչապետ Բենիամին Նեթանյահուն արձանագրել են Սիրիայում իրավիճակի սրման հետ կապված համակարգման մեխանիզմի շրջանակում ռուսական եւ իսրայելական զինվորականների հաջող փոխգործակցությունը:
«Հույս ունեմ, որ Ռուսաստանն ու Իսրայելը կկարողանան շփման ընդհանուր եզրեր գտնել, համաձայնություն ձեռք կբերեն բոլոր գլոբալ ռազմավարական հարցերի շուրջ, կարծում ենք, որ դա միանգամայն մեր ուժերի սահմաններում է»,- ասել է Իսրայելի կառավարության ղեկավարը:
ՏԱՍՍ-ի փոխանցմամբ, Նեթանյահուն հավելել է, որ կողմերը շարունակելու են առաջ ընթանալ փոխգործակցության ճանապարհով «օդում, ցամաքում եւ ոչ միայն»: