Նոյեմբերի 30-ին, ժամը 19.41-ին ահազանգ է ստացվել, որ Շիրակի մարզի Կարմրաքար գյուղի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ դեռեւս չբացահայտված հանգամանքներում «MACK R 600» մակնիշի 20 A 353-10 պետհամարանիշով բեռնատարը (վարորդ՝ Իրանի քաղաքացի Ս. Ջ. Վ. Ա. 1949 թ. ծնվ.) բեռնված 7 տ տնտեսական ապրանքներով, դուրս է եկել երթեւեկելի մասից եւ մոտ 15 մ սահել դեպի ձորակը, ինչի հետեւանքով Ս. Ջ. Վ. Ա.-ը տեղում զոհվել է:

Հրշեջ-փրկարարները դին մոտեցրել են շտապօգնության մեքենային, իսկ ժամը 21.48-ին՝ հոսանքազրկել են բեռնատար ավտոմեքենան: