Ամերիկացի ուսանող Ջոզեֆ Քափութոն, որը նոյեմբերի 26-ին ներխուժել էր Սպիտակ տան տարածք, ժամանակավորապես ազատ է արձակվել։ Այս մասին հայտնել է 22-ամյա ուսանողի փաստաբան Սթիվեն Սիգերը։
Նրա խոսքով՝ մեղադրող եւ պաշտպանող կողմերը բանակցում են համաձայնության գալու շուրջ։ Նիստը կկայանա հունվարի 12-ին։ Սպիտակ տան տարածք ներթափանցելու համար տղային մինչեւ 1 տարվա ազատազրկում է սպառնում։
Քափութոյի նկատմամբ էլեկտրոնային հսկողություն է իրականցվում. Նա պարտավոր է ամեն օր երեկոյան ժամը 20։00-ին տանը լինել, փոխանցում է ՏԱՍՍ-ը։
Ինչպես պատմել են ականատեսները, միջադեպի պահին Քափութոյի ուսին գցած է եղել ԱՄՆ դրոշը, իսկ ձեռքերում նա պահել էր ինչ-որ սպիտակ փաթեթ։ Ընդ որում, նա գոռում էր, որ սիրում է իր երկիրը։