Ռուսաստանի Պաշտպանության նախարարությունը մինչեւ տարեվերջ կստանա նոր սերնդի առաջին «Դատաստանի օրվա օդանավը», որը հաջող անցել է փորձարկումները, տեղեկացրել են «Միացյալ սարքաշինական կորպորացիայից» (Ռոստեխի մաս է կազմում):
Իլ-80 ինքնաթիռի հիմքի վրա ստեղծված ռազմավարական կառավարման օդային կետը նախատեսված է զորքի օպերատիվ ծավալման պայմաններում կիրառվելու համար ցամաքային ենթակառուցվածքի բացակայության պայմաններում, ինչպես նաեւ կառավարման ցամաքային կետերի, կապի գծում հանգույցների շարքից դուրս գալու պարագայում, գրում է Gazeta-ն:
Օդային հրամանատարական կետերի նոր սերունդը առանձնանում է «բարձր կենսունակությամբ, ֆունկցիոնալությամբ, զանգվածաչափերի բարելավված բնութագրերով եւ ավելի ցածր էներգասպառմամբ»:
Համալիրի տեխնիկական բնութագրերը հնարավորություն են տալիս ցամաքային զորքի, ռազմածովային նավատորմի, օդատիեզերական ուժերի եւ ռազմավարական նշանակության հրթիռային ուժերի կառավարում իրականացնել:
ԱՄՆ-ում նմանատիպ համալիրը կոչվում է «Դատաստանի օրվա օդանավ»:
