Տաջիկստանում փակվում են բոլոր փոխանակման կետերը։ Արժութային գործարքներն այսուհետ հնարավոր կլինի իրականացնել միայն բանկերում, ֆինանսական հաստատությունների մասնաճյուղերում եւ վարկային կազմակերպությունների գլխամասերում, հայտնում է «Ինտերֆաքս»-ը՝ վկայակոչելով Հանրապետության Ազգային բանկի հայտարարությունը։
Հաղորդվում է, որ այդ միջոցները ձեռնարկվել են «արտարժույթով արժութային գործողություններ իրականացնելու կարգի մասին» №211 հրամանի համաձայն, որն ընդունել է կարգավորող մարմնի ղեկավարությունը։
Վերոնշյալ հաստատություններից դուրս արտարժույթ փոխանակելը համարվում է անօրինական։ Պատասխանատվության կենթարկվի ինչպես գնորդը, այնպես էլ վաճառողը։