Սինգապուրի բանկերի ասոցացիան Android սմարթֆոնների օգտատերերին նախազգուշացրել է նոր վիրուսի մասին, որը տարածվում է WhatsApp մեսենջերի համար կեղծ թարմացումների միջոցով: Այս մասին հայտնում է ՏԱՍՍ-ը՝ վկայակոչելով կազմակերպության ղեկավար Օնգանգ Այ Բունին:

Նա նաեւ հայտնել է, որ ոչ պաշտոնական նորույթները ներբեռնելիս՝ ծրագիրը սկսել է անձնական տվյալներ պահանջել՝ այդ թվում բանկային քարտերի տվյալները: Կորզած տեղեկությունները հետո փոխանցվում են խաբեբաներին:

Նաեւ Օնգանգ Այ Բունը պատմել է, որ կեղծ թարմացումներում պարունակվող նման վիրուսները ունակ են որսալ մեկանգամյա SMS հաղորդագրությունները, որոնք բանկերը ուղարկում են սմարթֆոնին ֆինանսական գործարքը հաստատելու համար: