Թուրքիայից ներմուծվող թեթեւ արդյունաբերական արտադրանքի սահմանափակումներ դեռեւս չեն լինելու։ Այս մասին հայտարարել է ՌԴ արդյունաբերության եւ առեւտրի նախարար Դենիս Մանտուրովը։ «Մենք ուշադիր ուսումնասիրում ենք հարցը։ Այսօրվա դրությամբ թեթեւ արդյունաբերական արտադրանքի սահմանափակումներ դեռեւս չեն լինելու հատկապես եթե մենք խոսում ենք հումքի մասին, քանի որ մեզ համար ձեռնտու է էժան հումք ստանալը։ Ապրանքների մյուս տեսակների հարցը շարունակվում է քննարկվել»,- ասել է նա, փոխանցում է ՏԱՍՍ-ը։
Հիշեցնենք, որ ՌԴ նախագահ Վլադիմիր Պուտինը նոյեմբերի 28-ին հրաման էր ստորագրել, որի համաձայն՝ Ռուսաստան ներկրվող թուրքական որոշ ապրանքատեսակների վրա սահմանափակումներ են դրվում։