2014 թվականին ես խոստացա երեք հայ պատրիարքների այցելել Հայաստան, եւ իմ խոստումն ուժի մեջ է: Այս մասին հայտարարել է Հռոմի Ֆրանցիսկոս պապը՝ Կենտրոնական Աֆրիկայից Իտալիա վերադառնալուց հետո:
«Աֆրիկային միշտ օգտագործել են այլ ուժեր: Սկզբում վաճառել են ստրուկների, հետո աչք տնկել հարստությունների վրա՝ չմտածելով մարդկանց մասին: Աֆրիկան շահագործման տառապյալ է: Եթե մարդիկ չփոխվեն, մենք կունենանք ողբերգություններ, սովից մահացող երեխաներ:
«Հեռավոր ճամփորդություններն իմ տարիքում հենց այնպես չեն անցնում»,-հավելել է Հռոմի պապը: Այդուհանդերձ, 79-ամյա պապը պատրաստվում է մեկնել Մեքսիկա:
«Բացի այդ, ես նախորդ տարի երեք պատրիարքների խոստացա, որ կայցելեմ Հայաստան: Խոստումս ուժի մեջ է»,-հավելել է նա:
