Թուրքիան խախտել է Մարդու իրավունքների եվրոպական կոնվենցիան` արգելափակելով մուտքը YouTube պորտալ: Երեքշաբթի Ստրասբուրգում նման որոշում է կայացրել Մարդու իրավունքների եվրոպական դատարանը (ՄԻԵԴ):
«ՄԻԵԴ-ը միաձայն որոշել է, որ տեղի է ունեցել Մարդու իրավունքների եվրոպական կոնվենցիայի 10-րդ հոդվածի խախտում», տեղեկացնում է ՏԱՍՍ-ը:
Խոսքն այն հայտի մասին է, որը ներկայացվել էր մի խումբ թուրք իրավապաշտպանների կողմից, երբ Անկարան Թուրքիայի ամբողջ տարածքում արգելափակել էր YouTube-ը 2008-ի մայիսի 5-ից մինչեւ 2010-ի հոկտեմբերի 30-ը:
