Աբովյան-Երեւան երթուղին սպասարկող «Քինգ Դելյուքս» ընկերության տնօրեն Արտակ Եղոյանը հերքում է ավելի վաղ NEWS.am–ի հետ զրույցում ասածը, թե երթուղին սպասարկող ավտոբուսներն այսօր` դեկտեմբերի 1–ին, չեն աշխատում Ոստիկանության հրահանգով:
Արտակ Եղոյանը զանգահարեց խմբագրություն եւ ասաց, որ թյուրիմացություն է եղել, ինքը «չի հասկացել մեր տված հարցը»:
«Ավտոբուսները չեն աշխատում մեր նախաձեռնությամբ, տեխզննում ենք անցկացնում»,- ասաց Արտակ Եղոյանը՝ նշելով, որ վաղվանից ավտոբուսները կաշխատեն:
Հիշեցնենք, որ վաղ առավոտյան NEWS.am-ի խմբագրություն էին ահազանգել քաղաքացիներ ու հայտնել, որ արդեն մեկ ժամ է՝ սպասում են, բայց Աբովյան-Երեւան գնացող ոչ մի ավտոբուս չկա: Արտակ Եղոյանը նշեց, որ իրենք նախապես զգուշացրել են քաղաքացիներին: