Ուկրաինայի Գերագույն ռադայի պատգամավոր Դմիտրի Գոլուբովը հայտարարել է, որ Օդեսայի նահանգապետ Միխայիլ Սահակաշվիլին զբաղվում է Օդեսայի ձեռներեցներից դրամ շորթելով։ Այս մեղադրանքը նա հնչեցրել է «112 Ուկրաինա» հեռուստաալիքի եթերում։
Նրա խոսքով՝ Օդեսայի խոշոր ձեռնարկություններն ու գործարարները նամակներ են ստանում նահանգապետից՝ 2.5 մլն գրիվնայի (104 հազար դոլար) չափով բարեգործություն անելու խնդրանքով։
«Գրեթե բոլոր խոշոր գործարարները Սահակաշվիլին փող են վճարում»,- ասել է Գոլուբովը՝ նշելով, որ հաստատված նյութեր կան, որոնք նա պլանավորում է հրապարակել։