Անկարայի կողմից «Իսլամական պետություն» ահաբեկչական խմբավորումից նավթ գնելու մասին տեղեկությունը պետք է ահաբեկչության դեմ պայքարելու համար, այլ ոչ թե Թուրքիայի ղեկավարությանը ոչնչացնելու։ Այս մասին հայտնել է ՌԴ նախագահի մամուլի խոսնակ Դմիտրի Պեսկովը՝ պատասխանելով հարցին, թե Մոսկվան պատրաստ է արդյոք հրապարակել իր մոտ եղած ապացույցներն առ այն, որ Անկարան ԻՊ-ից նավթ է գնում, փոխանցում է ՏԱՍՍ-ը։
«Դա նոր հայտարարություն չէր։ Այս պահին գլխավորը տեղեկություն ունենալն է եւ այն աշխատանքում օգտագործելը, որը կենտրոնացած է ոչ թե ինչ-որ բան ապացուցելու, այլ ահաբեկչության դեմ պայքարի վրա»,- ընդգծել է Պեսկովը՝ հրաժարվելով կոնկրետ մեկնաբանություններից։
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ եթե նավթի մատակարարումները ապացուցվեն, ինքը հրաժարական կտա։