ՌԴ վարչապետ Դմիտրի Մեդվեդեւը հրաման է ստորագրել, որը կոնկրետացնում է Թուրքիայի դեմ տնտեսական պատժամիջոցները։ Հրամանի համաձայն՝ 2016թ.-ից Ռուսաստանը մինչեւ 2000 միավորով կրճատում է թուրք ավտոփոխադրողներին տրվող թույլտվությունների քանակը։ Բացի այդ, Ռուսաստանը 2016թ. հունվարի 1-ից արգելում է ելակի, մանդարինի, խաղողի, լոլիկի, վարունգի, թռչնամսի եւ այլ մթերքների ներմուծումը Թուրքիայից։ Ռուսաստանն արգելել է նաեւ Թուրքիայից մեխակներ ներկրել, փոխանցում է ՏԱՍՍ-ը։
Կառավարությունը կասեցրել է նաեւ առեւտրի համագործակցության ռուս-թուրքական միջկառավարական հանձնաժողովի գործունեությունը։