Կառավարությունը հաստատել է գյուղատնտեսական այն արտադրանքի, հումքի եւ պարենամթերքի ցուցակը, որոնց ներմուծումը Թուրքիայից Ռուսաստան արգելվում է 2016-ի հունվարի 1-ից: Այդ մասին տեղեկացնում է կառավարության մամուլի ծառայությունը:
Ցիտրուսային մրգերից բացի (նարինջ, մանդարիններ, ներառյալ տանջերիններ, սասումա, կլեմանտիններ եւ վիլկինգներ) ցուցակի մեջ մտել են մսեղիքներ եւ տնային հավերի եւ հնդկահավերի ենթամթերքներ, գլուխ սոխ, շալոտ-սոխ, ծաղկակաղամբ, բրոկոլի, վարունգ, կորնիշոններ, խաղող, խնձոր, տանձ, ծիրան, դեղձ, ներառյալ` նեկտարիններ, սալոր, մամուխ, մորի եւ ելակ: Այդ փաստաթղթով աղի ներմուծումը Ռուսաստան եւս արգելվել է:
Արդյունաբերության եւ առեւտրի, ինչպես նաեւ Գյուղտնտեսության նախարարություններին հանձնարարված է այս ցուցակում նշված ապրանքների գների օպերատիվ մոնիտորինգ ու վերահսկողություն իրականացնել:
