«Թուրքական հոսքի» եւ «Ակկույու» ԱԷԿ-ի կառուցման նախագծերը դեռեւս չեն մտել Թուրքիայի նկատմամբ պատժամիջոցների ցուցակի մեջ: Դա պարզ է դառնում նախագահ Վլադիմիր Պուտինի համապատասխան հրամանագրի իրականացման միջոցների վերաբերյալ ՌԴ կառավարության որոշումից, տեղեկացնում է ՏԱՍՍ-ը:
Փաստաթղթի տեքստը տեղեկություն չի պարունակում էներգետիկայի ոլորտում որեւէ միջոցի վերաբերյալ:
«Ռոսատոմում» այս պահի դրությամբ ձեռնպահ են մնացել Թուրքիայում ԱԷԿ-ի կառուցման նախագծի հետագա հեռանկարների վերաբերյալ մեկնաբանություններից:
Ավելի վաղ ՌԴ տնտեսական զարգացման նախարար Ալեքսեյ Ուլյուկաեւը չէր բացառել, որ «Թուրքական հոսքը» եւ «Ակկույու» ԱԷԿ-ի շինարարությունը կարող են հայտնվել այն ներդրումային նախագծերի ցուցակում, որոնք կսառեցվեն կամ չեղյալ կհամարվեն Անկարայի դեմ սահմանափակող միջոցների շրջանակում: