Դեկտեմբերի 3-ին «Չեք անցկացնի» շարժումը, որին միացել են ՀԱԿ-ը եւ ՀԺԿ-ն, կուժեղացնի Ազատության հրապարակում սահմանադրակասն փոփոխությունների դեմ շուրջօրյա հավաքներ սկսած «Նոր Հայաստան» հանրային փրկության ճակատըը: Այս մասին այսօր` դեկտեմբերի 1-ին, Ազատության հրապարակում «Նոր Հայաստանի» հանրահավաքի ժամանակ հայտարարեց ՀԱԿ ներկայացուցիչ Վլադիմիր Կարապետյանը` ներկայացնելով «Չեք անցկացնի» նախաձեռնության ուղերձը: (ֆոտոռեպորտաժ)
«Իշխանությունները հենց սկզբից տարածում էին այն թեզը, որ ոչի շարժումը պառակտված է եւ միասնական չէ, նրանց ասածների մեջ կա միայն մեկ ճշմարտություն. ոչի շարժումը դարձել է բազմազան, տարածվել, եւ հիմա ողջ հայ ժողովուրդն է ոչ ասում այս իշխանություններին»,- ասաց ՀԱԿ ներկայացուցիչը` նշելով, որ դրա վկայությունն է իր ներկայությունը այսօրվա հանրահավաքին:
Ընդգծելով, որ սահմանադրական հանրաքվեի գործընթացն ի սկզբանե ուևղեկցվել է ապօրինություննեերով եւ օրինախախտումներով,իսկ վերջին շրջանում ավելացել են ճնշումները ընդդիմության վստահված անձանց եւ հանձնաժողովների անդամների նկատմամբ` Վլադիմիր Կարապետյանը դիմեց այո-ի ճակատում հանդես եկող ՀՅԴ-ին եւ ԲՀԿ-ին:
«Հանրապետականից մենք ամեն ինչ սպասում ենք, սակայն ինչու՞ չեն արձագանքում Հանրապետականի նորաթուխ գործընկերները` Դաշնակցությունն ու ԲՀԿ-ն, չէ՞ որ նրանք ասել են, որ անելու են ամեն ինչ, որ հանրաքվեն լինի օրինական եւ արդար»,-ասաց Վլադիմիր Կարապետյանը:
ՀԱԿ ներկայացուցիչը ուշադրություն հրավիրեց նաեւ հանգամանքի վրա, որ ԵԱՀԿ ԺՄԻԳ-ը եւ ԵԽ-ն, որոնք սովարաբար նման դեպքերում հարյուրավոր դիրտորդներ են ուղարկում, չնայած` Սերժ Սարգսյանի կոչին` պատկառելի քանակով մասնակցություն ապահովել սահմանադրական փոփոխությունների հանրաքվեին, Հայաստան ուղարկելու են ընդամենը երկու տասնյակ դիտորդներ, ինչը Վլադիմիր Կարապետյանի խոսքով` ցույց է տալիս Եվրոպայի եւ միջազգային հանրության վերաբերմունքը մեր իշխանությունների նկատմամբ:
Նշենք, որ այսօր` հանրահավաքից հետո նախատեսվում է նաեւ երթ անցկացնել Երեւանի կենտրոնական փողոցներով:
Նշենք, որ որը ըստ կազմակերպիչների՝ այսօր տրվելու է համապետական շուրջօրյա հանրահավաքների սկիզբը, եւ նրանք չեն հեռանալու, մինչեւ չհասնեն իշխանափոխության: «Նոր Հայաստան» հանրային փրկության ճակատի «Ընդդիմության միասնական շտաբի» ղեկավար Ժիրայր Սեֆիլյանը քաղաքացիներին կոչ է արել իրենց հետ վրաններ բերել հանրահավաքին, թեեւ քաղաքապետարանը մերժել էր Ազատության հրապարակում վրան տեղադրելու թույլտվության՝ «Նոր Հայաստանի» դիմումը:
Նշենք, որ «Ընդդիմության միասնական շտաբի» կազմում են «Ժառանգություն» կուսակցությունը, Հիմնադիր խորհրդարանը, «Ժողովրդավարական հայրենիք» կուսակցությունը, «Ոտքի՛, Հայաստան» քաղաքացիական շարժումը:
«Ոչ»-ի ճակատի մաս կազմող ու «Ընդդիմության միասնական շտաբից» առանձին հանդես եկող «Չեք անցկացնի» նախաձեռնությունը, որին միացել է նաեւ Հայ ազգային կոնգրեսը, Հայաստանի ժողովրդական կուսակցությունը, հայտարարել է, որ դեկտեմբերի 1-ին գնալու է Ազատության հրապարակ եւ սատարելու է «Նոր Հայաստանին»: «Ոչ»-ի ճակատի առաջիկա հանրահավաքը նախատեսված է դեկտեմբերի 3–ին:
Հիշեցնենք, որ սահմանադրական փոփոխությունների հանրաքվեն տեղի կունենա դեկտեմբերի 6-ին: Նոր սահմանադրությամբ նախատեսվում է անցում կատարել կառավարման խորհրդարանական համակարգի: