Մոտ երկու ժամ Հանրապետության փողոցում մնալուց եւ բարձրախոսները մեքենայից դուրս բերելու ապարդյուն փորձերից հետո սահմանադրական փոփոխությունների դեմ պայքարող «Նոր Հայաստանի» շարժման մասնակիցները որոշեցին մեքենան բարձրախոսներով թողնել Հանրապետության փողոցում եւ շարունակել երթը:
Ցուցարարների մի խումբը, այնուամենայնիվ, շարունակում է մնալ մեքենայի մոտ, որը շրջապատված է ոստիկաններով: NEWS.am-ի թղթակիցը հաղորդում է, որ ոստիկանները շարունակում են շրջափակված պահել նաեւ ՀՀԿ գրասենյակի եւ Կառավարության շենքերը:
Ցուցարարներն այս պահին առաջնորդներ Ժիրայր Սեֆիլյանի եւ Րաֆֆի Հովհաննիսյանի գլխավորությամբ շարունակում են երթը Ամիրյան փողոցով, եւ, ամենայն հավանականությամբ, շարժվում են դեպի Ազատության հրապարակ:
