Իրկուտսկում բնակելի շենքի 8-րդ հարկից դուրս նետված երկու երեխաներից երկրորդը նույնպես մահացել է: Այս մասին գրում է ՏԱՍՍ-ը՝ վկայակոչելով մարզային առողջապահության նախարարությանը:
Երեխան մահացել է վերակենդանացման բաժանմունքում՝ այդպես էլ գիտակցության չգալով:
Հիշեցնենք, որ նոյեմբերի 27-ին Իրկուտսկի 32-ամյա բնակչուհին բնակարանի պատուհանից դուրս էր նետել 4 եւ 2 տարեկան որդիներին եւ ինքն էլ ցած նետվել:
Մայրը ստացած վնասվածքներից տեղում մահացել էր, իսկ տղաներին ծանր վիճակում տեղափոխել էին հիվանդանոց: Հոգեկան որեւէ հիվանդությամբ չտառապող կնոջ արարքի պատճառները դեռեւս հայտնի չեն:
