Իր շահերը պաշտպանելու եւ «Հըզբոլլահ» շարժման ձեռքում ժամանակակից զինատեսակների հայտնվելը կանխելու համար Իսրայելը «ժամանակ առ ժամանակ» սեփական գործողություններն է անցկացնում Սիրիայում: Ըստ Gazeta-ի, այս մասին հայտարարել է Իսրայելի վարչապետ Բենիամին Նեթանյահուն:
«Մենք ժամանակ առ ժամանակ գործում ենք Սիրիայում՝ մեր դեմ եւս մեկ ճակատի հայտնվելը կանխելու համար, որն Իրանը փորձում է ստեղծել Գոլանի բարձունքներում: Մենք նաեւ աշխատանքներ ենք տանում՝ Սիրիայից Լիբանան մահացու հատկապես զինատեսակների փոխադրումը կանխելու համար»,- ասել է նա:
The Jerusalem Post-ի փոխանցմամբ, Նեթանյահուն նշել է, որ Իսրայելը շարունակելու է այդպիսի գործողություններ իրականացնել նաեւ ապագայում: