ԱՄՆ պետքարտուղար Ջոն Քերրին ռուսաստանցի գործընկեր Սերգեյ Լավրովի հետ հանդիպման ընթացքում կբարձրացնի սիրիական ճգնաժամի կարգավորման հարցը, կքննարկի Սու-24-ի կործանման եւ Ուկրաինայի շուրջ տիրող իրավիճակը: «Ինտերֆաքս»-ի փոխանցմամբ, այս մասին հաղորդել է պետքարտուղարության ներկայացուցիչ Մարկ Թոները:
«Նրանք կքննարկեն Սիրիայի կարգավորման հարցով Վիեննայի գործընթացը, ռուսական օդանավի հետ կապված միջադեպը եւ Ուկրաինայի վիճակը, Մինսկի համաձայնությունների իրականացման ընթացքը»,- ասել է Թոները:
Ավելի վաղ հաղորդվել էր, որ Քերրին եւ Լավրովը ծրագրում են զրուցել դեկտեմբերի 3-4-ին Բելգրադում նախանշված ԵԱՀԿ ԱԳ նախարարական խորհրդի հանդիպման շրջանակում:
