Հույն լրագրողներն այսօր՝ դեկտեմբերի 2-ին 24-ժամյա գործադուլ կանցկացնեն: Նման որոշում է կայացրել լրագրողների համահունական ֆեդերացիան, հաղորդում է «ՌԻԱ նովոստին»:
Տեղեկատվական ոլորտի աշխատակիցների գործադուլը տեղի կունենա պետական ծառայողների դեկտեմբերի 3-ին կայանալիք գործադուլի նախորդ օրը: Այսպիսով, լրագրողները մտադիր են «իրենց պատասխանը տալ կենսաթոշակային համակարգը ոչնչացնող կառավարական մեքենայություններին եւ վարկատուների պահանջներին»:
Դեկտեմբերի 3-ի առավոտյան հունական թերթերը լույս չեն տեսնի, չեղյալ կհայտարարվեն բոլոր տեղեկատվական հաղորդումները հեռուստատեսությամբ եւ ռադիոյով: