Թուրքիայի վարչապետ Ահմեդ Դավութօղլուն հայտարարել է, թե ամիսներ առաջ Շրնաքում սպանված քուրդ երիտասարդի դին փողոցներով քարշ տված ոստիկանները հեռացվել են աշխատանքից։
Թուրքական T24.com կայքի փոխանցմամբ՝ Դավութօղլուն նշել է, թե հոկտեմբերի 3-ին մի քանի ոստիկաններ Շրնաքում սպանված Հաջը Բիրլիքի դին կապել էին «Աքրեփ» տիպի մեքենայից եւ փողոցներով քարշ տվել։
Նա շեշտել է, թե ծառայողական հետաքննության ընթացքում պարզվել է ոստիկանների ինքնությունը, եւ նրանք հեռացվել են աշխատանքից։