Այս տարվա լավագույնը բանն այն էր, որ ես հավաքականի կազմում բոլոր խաղերին մասնակցեցի:: Այս մասին NEWS.am-ի թղթակից Վերա Մարտիրոսյանի հետ զրույցում նշել է Հայաստանի ազգային հավաքականի եւ ղազախական «Ակտոբե» ակումբի կիսապաշտպան Մարկոս Պիզելին՝ ամփոփելով 2015 թվականը:
Մարկոս, ինչպիսի՞ն էր 2015 քեզ համար:
Անհատապես տարին լավն էր: Ես լավ խաղեր անցկացրի Հայաստանի ազգային հավաքականում եւ ղազախական «Ակտոբեում», բայց արդյունքների առումով սա իմ լավագույն տարին չէր:
Լավագույն բանը, որ պատահեց քեզ հետ այս տարի:
Դա այն էր, որ ես հավաքականի կազմում բոլոր խաղերին մասնակցեցի:
Ամենավատ բանը...
Հայաստանի ազգային հավաքականի ցույց տված արդյունքները: Մենք լավ խաղեր ունեցանք, բայց ոչ մի հաղթանակ չտոնեցինք: Դա տխուր է իմ համար:
Անցնող տարվա ո՞ր ֆուտբոլային իրադարձությունն ամենից շատ տպավորեց քեզ:
Դա Ֆրանսիա – Գերմանիա ընկերական խաղն էր: Մարդիկ ընտանիքների հետ գնացել էին ֆուտբոլ վայելելու, իսկ այնտեղ տեղի ունեցավ տեռորիստական ակտ: Ես ցնցված էի:
Ի՞նչ ծրագրեր ունես 2016-ի հետ կապված:
Ինչպես միշտ՝ քրտնաջան աշխատել, դառնալ չեմպիոն այն երկրում, որտեղ խաղում եմ: Եվ, իհարկե, օգնել հայերին մոռանալ 2015-ի արդյունքները: Հուսամ՝ Հայաստանի ազգային հավաքականը կրկին լավ կխաղա, լավ արդյունքներ կգրանցի եւ Հայաստանի անունը բարձր կպահի Եվրոպայում, ինչպես դա անում էր մի քանի տարի առաջ;
Հավատո՞ւմ ես, որ եկող տարի հավաքականն ի զորու է լավ արդյունքներ գրանցել:
Իհարկե հավատում եմ: Այստեղ հարցեր չկան: Մենք պետք է շատ բան սովորենք եւ զարգանանք, բայց մեր հավաքականը միեւնույն է ունի շատ լավ որակ:
Ո՞ր դեպքում լավ արդյունք կարող է լինել:
Մենք պետք է շատ ուշադրություն դարձնենք մեր տակտիկային: Բացի այդ պետք է փոխենք մեր վերաբերմունքը: Անցյալ տարի շատ էինք գնդակ կորցնում: Եթե գրոհում ենք եւ գոլեր խփում, պետք է ավելի շատ գնդակի հետ աշխատենք:
Ի՞նչ ես մաղթում հայ երկրպագունեին:
Բոլոր երկրպագուներին, ովքեր միշտ մեր կողքին են եղել՝ անկախ ամեն բանից, ես ցանկանում եմ ամենայն բարիք եւ իհարկե, հուսամ կանենք ամեն բան, որպեսզի նրանք կրկին հպարտորեն գնան մարզադաշտ եւ գոչեն «հայ հայ»:
Վերա Մարտիրոսյան/Vera&Football