015 թվականը հաջող էր, դրա համար մեկ առանձին պահ չեմ առանձնացնի, իսկ ամենավատ պահն, իհարկե, վնասվածքս էր, որի պատճառով բաց թողեցի բավական երկար ժամանակ: Այս մասին NEWS.am-ի թղթակից Վերա Մարտիրոսյանի հետ զրույցում նշեց Հայաստանի ազգային հավաքականի եւ ռուսական «Լուչ Էներգայի» հարձակվող Ռուսլան Կորյանը՝ ամփոփելով 2015 թվականը:

Ինչպիսի՞ն էր 2015 քեզ համար:

Հագեցած տարի էր: Տարվա սկզբում խաղում էի Ասիայում, հետո վերադարձա Հեռավոր Արեւելք: Տարին հաջող էր, դրա համար մեկ առանձին պահ չեմ առանձնացնի, իսկ ամենավատ պահը, իհարկե, վնասվածքս էր, որի պատճառով բաց թողեցի բավական երկար ժամանակ: Բայց հիմա վերականգնվել եմ ու ամեն բան լավ է:

Ամենաանսպասելի բանը անցնող տարվում…

Դա հենց վնասվածքս էր, որովհետեւ այդ ժամանակ թիմում ամեն բան լավ էր եւ ես զգում էի, որ լավ մարզավիճակ եմ հավաքել: Լրիվ պատահական ստացվեց, բայց դե ֆուտբոլում լինում է այդպես: Ոչ ոք ապահովագրված չէ: Դա արդեն անցյալում է, հիմա պատրաստում եմ նոր խաղաշրջանին:

Ի՞նչ ծրագրեր ունեք եկող տարվա հետ կապված:

Պետք է աճեմ, զարգանամ, իսկ դրա համար շատ աշխատել է պետք:

Շշուկներ կան, որ այս ձմռանը կարող է լքես «Լուչը»:

Այս պահին թիմում ծանր իրավիճակ է: Հուսամ՝ արձակուրդներից հետո կկարգավորվի ամեն բան:

Որտե՞ղ ես դիմավորելու Նոր տարին:

Ինձ մոտ ավանդույթ է այդ օրը միշտ լինել ընտանիքիս ու ծնողներիս հետ՝ Սոչիում:

Ի՞նչ ես խնդրել Ձմեռ պապից:

Կոնկրետ բան չեմ խնդրել, բայց քանի որ հարցը տվեցիք, երեւի թե կուզեմ, որ աշխարհում խաղաղություն լինի:

Վերա Մարտիրոսյան/ Vera&Football