Հայաստանի ազգային հավաքականի ֆուտբոլիստ Արաս Օզբիլիզը հունվարի 21-ին ժամանեց Ստամբուլ, որտեղ պետք է պայմանագիր կնքի թուրքական «Բեշիքթաշի» հետ: Նախնական տվյալներով ֆուտբոլիստը այնուհետև վարձավճարով հանդես է գալու իսպանական «Ռայո Վալեկանո» թիմում:
Թե որքանով կազդի Օզբիլիզի` թուրքական թիմին միանալը հետագայում Հայաստանի ազգային հավաքական հրավիրվելու վրա, NEWS.am-ի թղթակից Վերա Մարտիրոսյանը ճշտեց Հայաստանի ազգային հավաքականի նորանշանակ գլխավոր մարզիչ Վարուժան Սուքիասյանից:
Պարոն Սուքիասյան, որքանո՞վ կազդի Արասի` «Բեշիքթաշ» տեղափոխությունը ազգային հավաքական հրավիրվելու վրա:
Արասը չի մնալու Թուրքիայում: Նա գնալու է «Ռայո Վալեկանո»: Մեր ազգային հավաքականի շահերից բխում է, որ նա, այնուամենայնիվ, ունենա խաղային պրակտիկա:
Բայց դա լինելու է վարձավճար, այսինքն` Արասը լինելու է թուրքական թիմի խաղացող և ցանկացած պահին կարող է միանալ նրանց:
Կրկնում եմ, սա լավ հնարավորություն է, որ նա խաղային պրակտիկա ունենա:
Բայց եթե, այնուամենայնիվ, նա խաղաց «Բեշիքթաշում», կհրավիրվի՞ հավաքական:
Այդ հարցին, կներեք, չեմ կարող պատասխանել:
Վերա Մարտիրոսյան/ Vera&Football