Ես չեմ լսել, որ Մանվել Գրիգորյանը ծեծի է ենթարկել Էջմիածինի նախկին քաղաքապետին, հակառակը` ես լսել եմ, որ նման բան չի եղել: NEWS.am-ի հետ զրույցում ասաց գեներալ Մանվել Գրիգորյանի որդին` Էջմիածինի քաղաքապետ Կարեն Գրիգորյանը:
«Ես կարող եմ ասել, որ օրենքը ամենաբարձր մարմինն է, օրենքից բարձր այլ բան գոյություն չունի: Ոչ մեկ իրավունք չունի օրենքից դուրս իրեն դասի: Սա նորմալ երեւույթ է ու տենց էլ պիտի լինի, ես սա միայն կարող եմ ասել»,-ասաց Կարեն Գրիգորյանը:
Հիշեցնենք, որ ըստ մամուլի հրապարակումների, էջմիածինցիները ականատես են եղել, թե ինչպես է գեներալ Մանվել Գրիգորյանը ծեծի ենթարկում Էջմիածնի նախկին քաղաքապետ Հրաչիկ Աբգարյանին: Վերջինս ոստիկանությունում հերքել էր, որ ծեծի է ենթարկվել։