ԱՄՆ-ը եւ Մեծ Բրիտանիան բանակցում են հազար բրիտանացի զինծառայողներ Լիբիա ուղարկելու հարցի շուրջ։ Զինվորականները պետք է պայքարեն «Իսլամական պետություն» ահաբեկչական խմբավորման դեմ, փոխանցում է Gazeta-ն՝ վկայակոչելով The Times-ը։
Հաղորդվում է, որ բրիտանացի եւ ամերիկացի զինծառայողները, դիվանագետները, եւ հատուկ ծառայությունների աշխատակիցները հաճախ են այցելում Լիբիա՝ տեղի ապստամբների հետ հնարավոր միություն ձեւավորելու համար, որոնց ուզում են ներգրավել ԻՊ-ի դեմ պայքարին։
Երկու երկրների իշխանությունները սկսել են նման քայլեր ձեռնարկել Ֆրանսիայի պաշտպանության նախարար Ժան Իվ Լե Դրիանի այն հայտարարության ֆոնին, որ ահաբեկչական ցանցը տարածվում է Լիբիայում։