Ռուսաստանը մտադիր չէ ներքաշվել ՆԱՏՕ-ի հետ համառորեն պարտադրվող անիմաստ դիմակայության մեջ եւ առաջվա նման պատրաստ է Դաշինքի հետ հարաբերություններ զարգացնել, բայց ՌԴ-ի շահերը հաշվի առնելու պայմանով: Այս մասին «Ասոշեյթեդ Փրես» գործակալությանը տված հարցազրույցում հայտնել է ՌԴ Անվտանգության խորհրդի քարտուղար Նիկոլայ Պատրուշեւը:
«ՆԱՏՕ-ն խոստանում է, բայց մեր երկրի նկատմամբ ոչ մի խոստում չի կատարում, հաշվի չի նստում մեր ազգային շահերի հետ: Ռուսաստանի եւ ՆԱՏՕ-ի միջեւ համագործակցությանը Բրյուսելի նախաձեռնությամբ վերջ դնելը անվստահության եւ լարվածության աճի ավելի մեծ ներուժ է ստեղծում», – ասել է Պատրուշեւը:
Նա ընդգծել է, որ «մենք մտադիր չենք ներքաշվել համառորեն մեզ պարտադրվող անիմաստ դիմակայության մեջ: Ռուսաստանի Դաշնությունն առաջվա նման պատրաստ է ՆԱՏՕ-ի հետ հարաբերություններին, բայց Ռուսաստանի օրինական շահերը հաշվի առնելու եւ դաշինքի կողմից միջազգային իրավունքի նորմերը հարգելու պայմանով», տեղեկացնում է «ՌԻԱ Նովոստին»: