Բաքուն ցանկանում է օգտվել ԵԽԽՎ-ում Ղրիմի շուրջ եւ ռուսաստանյան պատվիրակության հեռանալուց հետո ստեղծված իրավիճակից: Այդ մասին փետրվարի 1-ին հայտնել է Եվրոպայի Խորհրդի Խորհրդարանական Վեհաժողովում հայկական պատվիրակության ղեկավար Հերմինե Նաղդալյանը` մեկնաբանելով ԵԽԽՎ-ում հայկական որոշումների նախագծերի հայտնվելու փաստը
Նրա խոսքով, Բաքուն մեկը մյուսի հետեւից հակահայկական զեկույցներ է ներկայացնում, որովհետեւ տեսնում է, որ ԵԽԽՎ-ն առանց Ղարաբաղի մասնակցության ձեւաչափ է եւ ձեւաչափ է, որտեղ որոշումներն ընդունվում են ոչ թե փոխզիջմամբ (կամ էլ դրան մոտ մեծամասնությամբ), այլ պարզ մեծամասնությամբ: Եվ այստեղ լոբբինգ իրականացնելն ավելի հեշտ է, ինչը եւ անում է Ադրբեջանը: «Միաժամանակ Հայաստանը հավատարիմ է Լեռնային Ղարաբաղի վերաբերյալ հարցերն առանց Լեռնային Ղարաբաղի մասնակցության չքննարկելու սկզբունքին: Հենց այդ պատճառով մենք հավատարիմ ենք մնում ԵԽԽՎ Մինսկի խմբի ձեւաչափին. դա միակ ձեւաչափն է, որը ներառում է ոչ միայն Հայաստանը եւ Ադրբեջանը, այլեւ Լեռնային Ղարաբաղը», - նշել է Նաղդալյանը:
Հիշեցնենք, որ ԵԽԽՎ-ի պատգամավորները չեն ընդունել բրիտանացի պատգամավոր Ռոբերտ Ուոլթերի «Բռնության սրումը Լեռնային Ղարաբաղում եւ Ադրբեջանի այլ գրավված տարածքներում» զեկույցը, սակայն աջակցել են բոսնիացի խորհրդարանական Միլիցա Մարկովիչի «Ադրբեջանի սահմանամերձ շրջանի բնակչությանը դիտավորյալ զրկում են ջրից» զեկույցին, որը վերաբերում է Սարսանգի ջրամբարին: