Արագածոտնի մարզի Աշտարակ քաղաքում սեփական տան հյուրասենյակում փետրվարի 1-ին, մահացած հայտնաբերված տարեց ամուսինները միայնակ էին ապրում: Այս մասին NEWS.am-ին տեղեկացրին Աշտարակի քաղաքապետարանից:
Քաղաքապետարանի աշխատակցի խոսքով՝ 78-ամյա Ջուլիետա Ազիզյանը եւ 86-ամյա Վոլոդյա Ազիզյանը ծերունական մահով են մահացել, դիերի վրա բռնության հետքեր չեն եղել:
«Հարեւանների ասելով՝ իրենց մահով են մահացել, ուղեղի կաթված տարած էին, հիվանդ մարդիկ էին»,-ասաց քաղաքապետարանի աշխատակիցը:
Ազիզյանները երկու որդի ունեն, մեկը բնակվում է Ռուսաստանի Դաշնությունում, մյուսը՝ Կոտայքի մարզի Եղվարդ քաղաքում:
Ավելի վաղ NEWS.am-ը հաղորդել էր, որ փետրվարի 1-ին ահազանգի հետքերով դեպքի վայր մեկնած ոստիկաններն ու քննիչները տան հյուրասենյակում հայտնաբերել են 78-ամյա Ջուլիետա Ազիզյանի եւ 86-ամյա Վոլոդյա Ազիզյանի դիերը: