Կենտրոնական բանկի խորհուրդը փետրվարի 2-ի նիստում, որը վարել է ԿԲ նախագահ Արթուր Ջավադյանը, հաստատել է «Խոտակերաց Սուրբ Նշան», «Սուրբ Հովհաննես Մկրտչի մասունքով խաչ», «Սուրբ Գեւորգի մասունքով խաչ» արծաթե հուշադրամների էսքիզները:
ԿԲ-ից NEWS.am-ին հայտնում են, որ փոփոխություններ եւ լրացումներ են կատարվել «Բանկի եւ ավանդատուի, կրեդիտավորողի եւ սպառողի հաղորդակցման կարգը, պայմանները, ձեւերը եւ նվազագույն պահանջները» կանոնակարգ 8/05-ում:
Խորհուրդն ուժը կորցրած է ճանաչել (դադարեցրել է) «ԿՐԲՈՒԼԱՂ» ՍՊԸ գրավատան կազմակերպման թիվ ԳԳ-Ե164 լիցենզիայի գործողությունը:
