Ոչ մի կասկած չկա․ Հայաստանի հասարակությունը պատրաստ է պետբյուջեի լրացուցիչ ծախսերին՝ զինծառայողների անվտանգությունը բարձրացնելու նպատակով։ Այս մասին Հայաստանի խորհրդարանում փետվարի 2-ին հայտնել է «Օրինաց երկիր» խմբակցության քարտուղար Մհեր Շահգելդյանը։
Նրա խոսքով , պետք է անել հնարավոր ու անհնար ամեն ինչ, որպեսզի հայկական կողմի զինծառայողների պաշտպանվածությունն աճի։ Եվ հիմա դրա համար կան տեխնիկական միջոցներ՝ ռոբոտների տեսքով, որոնք աստիճանաբար ավելի մատչելի են դառնում։ «Չնայած արժեքն այդ հարցում այդքան էլ կարեւոր չէ, այս հարցում պետությունը պետք է պատարստ լինի ցանկացած ծախսերի»,- նշել է Շահգելդյանը։
