Yahoo! ամերիկյան ընկերությունը պաշտոնապես հայտնել է աշխատակիցների հաստիքները 15 տոկոսով կրճատելու ու 5 քաղաքներում ստորաբաժանումները փակելու պլանների մասին։ Այս մասին ասված է ընկերության մամուլի հաղորդագրության մեջ։
«Yahoo-ն պլանավորում է 15 տոկոսով կրճատել աշխատակիցների հաստիքները եւ փակել իր գրասենյակները Դուբայում, Մեխիկոյում, Բուենոս Այրեսում, Մադրիդում եւ Միլանում»,-ասված է ընկերության հայտարարության մեջ։ Փոփոխությունների հիմնական մասը կկատարվի 2016թ. առաջին եռամսյակում, փոխանցում է Gazeta-ն։
Ընթացիկ տարվա ավարտին Yahoo-ն պլանավորում է պահել մոտ 9 հազար աշխատակից եւ մոտ հազար կապալառու, ինչը թույլ կտա ամեն տարի 400 մլն դոլար տնտեսել։