Իրանն առաջին անգամ սկսել է նավթամթերք մատակարարել Տաջիկստան, հայտնում է RNS -ը՝ վկայակոչելով Shana իրանական գործակալությունը։

Մատակարարումների մեկնարկի մասին հայտնել է ազգային նավթային ընկերության ղեկավար (National Iranian Oil Products Distribution Company (NIOPDC)) Մոհամմադ Մահդի Քորեյան։ Նրա խոսքով՝ կողմերը համաձայնության են եկել առաջին զտման բենզինի մատակարարումների հարցով։ Այս պահին Իրանը Տաջիկստան է մատակարարել 2.9 մլն լիտր։

«Նախկինում նավթամթերք էր մատակարարվում միայն մինչեւ Աֆղանստան»,- նշել է Մեհդի Քորեյան։ Նա նշել է, որ խմբաքանակը արտահանվել է 2 շաբաթ առաջ, եւ մատակարարումների ծավալները պլանավորվում է մեծացնել։