Ford Motor-ը պլանավորում է Եվրոպայում հազարավոր աշխատատեղեր լուծարել եւ շուկայից հանել մի քանի մոդել, որպեսզի տարածաշրջանում եկամտաբերություն ապահովի։

Ավտոարտադրողը փետրվարի 3-ին պլանավորում է Եվրոպայում  իր մոտ 10 հազար վարձու աշխատողներին առաջարկել կամավոր ազատվել աշխատանքից։ Դրա հաշվին ընկերությունը տարեկան 200 մլն դոլար կտնտեսի, գրում է The Wall Street Journal-ը։

Ford-ը պլանավորում է նաեւ դադարեցնել մի շարք քիչ եկամտաբերություն ունեցող մոդելների վաճառքը եւ կենտրոնանալ եկամտաբեր ամենագնացների վրա, որպեսզի Եվրոպայում ավելի մրցունակ լինի, փոխանցում է RNS-ը։