Օդեսայի նահանգապետ Միխայիլ Սահակաշվիլին պաշտպանել է հրաժարական տված տնտեսական զարգացման նախարար Այվարաս Աբրոմավիչուսին։ Վրաստանի նախկին նախագահը իր կարծիքն արտահայտել է Facebook-ում։
«Երեկ երկար զրուցել եմ Այվարասի հետ, եւ նա շատ հետաքրքիր բաներ պատմեց։ Մի՞թե տխուր չէ, որ լիտվացիներն ու վրացիները պետք է իրենց վրա վերցնեն երկիրը որոշ կեղտոտներից պաշտպանելու գործառույթը, ովքեր թեպետ ծնվել են Ուկրաինայում, բայց իշխանության հասնելով՝ վնասում են երկրի շահերին»,- գրել է Սահակաշվիլին։
Սահակաշվիլին հավելել է, որ աշխատում է Աբրամովիչուսի հետ Պետական ձեռնարկությունների բարեփոխման խորհրդում։ «Ուզում եմ հաստատել, որ պետական հաստատությունների ղեկավարներին փոխելու մեր բոլոր նախաձեռնությունները «Պյոտր Պորոշենկոյի բլոկի» առաջնորդներից Իգոր Կոնոնենկոյի միջնորդությամբ արգելափակվում են անձամբ վարչապետի կողմից»,- նշել է Սահակաշվիլին։
Նա հույս է հայտնել, որ փետրվարի 16-ին ռադան կցրի Յացենյուկի կառավարությունը, երբ լսի կատարած աշխատանքի հաշվետվությունը։