2015թ. Հայաստան է այցելել 1 մլն 192 հազար զբոսաշրջիկ կամ 1 տոկոսով քիչ, քան 2014թ.։ Այս մասին փետրվարի երեքին լրագրողներին ասել է ՀՀ էկոնոմիկայի նախարար Կարե Ճշմարիտյանը՝ ամփոփելով 2015թ. արդյունքները։ Հիմնականում պակասել է Ռուսաստանից եւ Վրաստանից ժամանած զբոսաշրջիկների թիվը՝ համապատասխանաբար 6 եւ 11 տոկոսով կամ ընդհանուր առմամբ 60 հազարով։ 2015թ. 9 ամիսների ընթացքում Ռուսաստանից ժամանած զբոսաշրջիկների թիվը 2014թ. նույն ժամանակաշրջանի հետ համեմատ, 31 տոկոսով պակասել է։
Նշենք, որ զբոսաշրջիկների հիմնական հոսքը բաժին է ընկնում Ռուսաստանին՝ 45 տոկոս եւ Վրաստանին՝ 27 տոկոս։ Այդուհանդերձ աճ է նկատվում Իրանից (25 տոկոս) եւ Իրաքից (մոտ 5 անգամ), ԱՄԷ-ից (38 տոկոս), ԱՄՆ-ից (42 տոկոս) եւ Կանադայից (16 տոկոս) ժամանած զբոսաշրջիկների շրջանում։
