Honda ճապոնական ավտոմոբիլային կոնցեռնը եւս 2.2 մլն ավտոմեքենա է հետ կանչում՝ անվտանգության բարձիկների անսարքության պատճառով:
Բարձերի Takata համակարգը շարունակում է խնդիրներ ստեղծել , ինչի պատճառով որոշ ընկերություններ ապրիլից սկսած հետ են կանչում իրենց ավտոմեքենաաները:
Այդ ընկերության արտադրած անվտանգության բարձիկների անսարքության պատճառով՝ փչվելիս դրանք կարող են մարդու վրա մետաղական կտորներ «կրակել»՝ վնասելով նրան , հայտնում է BBC–ի Ռուսական ծառայությունը
Առկա տվյալներով, այս անսարքությունը առնվազն 11 մարդու մահվան պատճառ է դարձել:
Տրանսպորտի ամերիկյան նախարարությունը ավելի վաղ Takata ընկերությանը տուգանել էր 70 մլն դոլարով, նաեւ արգելել ամոնիումի նիտրատ օգտագործել, ինչի պատճառով նրանց արտադրած բարձերը պայթում են
Honda-ում ավելի վաղ հայտնել էին, որ իրենց ավտոմեքենաների համար այլեւս Takata–ից բարձիկներ չեն գնի: Հուլիսին ընկերությունը 4.5 մլն մեքենա էր հետ կանչել:
Անվտանգության բարձիկների խնդիրների պատճառով ԱՄՆ –ում ընդհանուր առմամբ 24 մլն ավտոմեքենա են ստիպված եղել հետ կանչել: