«Հայկական բերք» ընկերության համար երկարացրել են ԱԱՀ տարկետումով սարքավորումների ներկրման ժամկետը: Համապատասխան որոշումը կայացվել է Կառավարության փետրվարի 4-ի նիստի ժամանակ:
ԱԱՀ-ի երեք տարվա տարկետումով սարքավորումներ ներմուծելու ժամկետը 2016 թ. հունվարի 31-ից երկարաձգվել է մինչեւ հուլիսի 31-ը: Ընկերությունը մտադիր է ջերմոցում հոլանդական վարդեր աճեցնել ու այդ արտադրության մեջ 1.6 մլրդ դրամ ներդնել: Տարեկան 2.5 մլրդ դրամ արժողության արտադրանքը հիմնականում կարտահանվի Ռուսաստան, Վրաստան, Բելառուս, Ղազախստան ու այլ պետություններ:
