Հայաստանի ոստիկանապետ Վլադիմիր Գասպարյանը շարունակում է իրագործել ճանապարհային ոստիկաններին ուղղված «ձեռքերը կտրելու» իր սպառնալիքները: NEWS.am-ին հայտնի է դարձել, որ այսօր` փետրվարի 4-ին, աշխատանքից հեռացվել են ճանապարհային ոստիկաններ. նրանցից մեկը վարորդի նկատմամբ ցուցաբերած ոչ պատշաճ վերաբերմունքի պատճառով:
Այս տեղեկության իսկությունը փորձեցինք ճշտել ոստիկանության մամուլի ծառայությունից, որտեղից ասացին, որ մեկ մարդ է ազատվել աշխատանքից, սակայն պատճառը հրաժարվեցին հայտնել:
Հիշեցնենք, որ հունվարի վերջին ոստիկանության կոլեգիայի նիստում Վլադիմիր Գասպարյանն սպառնացել էր կտրել այն ճանապարհային ոստիկանների ձեռքերը, որոնք մատնացույց անելով «վերեւներին»՝ «նալոգ» են հավաքում վարորդներից:
