Իսրայելի կառավարության մամուլի գրասենյակը սպառնացել է իրականությանը չհամապատասխանող վերնագրերի պատճառով լրագրողներին զրկել հավատարմագրումից։ Մամուլի գրասենյակը դրանով իր վրդովմունքն է հայտնել այն կապակցությամբ, թե ինչպես է արտասահմանյան մամուլում լուսաբանվում Երուսաղեմի պատմական կենտրոնում պաղեստինցիների հետ հրաձգությունը։
Նշենք, որ նախօրեին այնտեղ 19-ամյա սահմանապահ կին էր զոհվել, որը հասցրել էր իր ծառայակիցների հետ 3 պաղեստինցու սպանել։
Սահմանապահ ոստիկանության աղջիկները կանգնեցրել էին պաղեստինցիներին փաստաթղթերը ստուգելու համար։ Դրանից հետո նրանց միջեւ հրաձգություն էր սկսվել Հին քաղաքի պարիսպների մոտ։ «Նրանք, ըստ երեւույթին, զանգվածային ահաբեկչություն են կանխել»,- կարծում են Իսրայելի իրավապահ մարմինները, փոխանցում է «ՌԻԱ Նովոստի»-ն։
«Երեք պաղեստինցի է սպանվել ամեն օր շարունակվող բռնության ֆոնին»,- ասված էր միջազգային հեռուստացանցում հայտնված նյութի վերնագրում։ Մենք չենք կարող դա անտեսել։ Մենք կքննարկենք այն լրագրողներին եւ խմբագիրներին հավատարմագրությունից զրկելու հարցը, ովքեր իրականությանը հակասող վերնագրեր են գրում»,- ասել է մամուլի գրասենյակի ղեկավար Նիցան Հենը։