Ամերիկյան Յուտա նահանգում դատավոր Դեվիդ Քոննորսը մերժել է հայազգի Ստեփան Բադիկյանի միջնորդությունը նոր դատական լսումների մասին: Բանտարկյալի խոսքով, իր գործով դատական որոշում կայացնելու ժամանակ թարգմանչի հետ ծագած խնդիրների պատճառով ինքը չէր հասկացել, թե ինչ էր կատարվում:
2015 թ. նոյեմբերի 17-ին Ստեփան Բադիկյանը երեք տարվա ազատազրկման էր դատապարտվել այն բանից հետո, երբ ինքն իրեն մեղավոր էր ճանաչել 2014թ. իր նախկին կնոջը սպանելու փորձի մեջ: 51- ամյա հայը անգլերեն չգիտի:
Իր միջնորդության մեջ նոր դատական լսումների մասին խնդրանքից բացի Բադիկյանը նաեւ խնդրում է, որ իրեն տրամադրեն նոր թարգմանիչ, որն ունակ կլինի անգլերենից հայերեն ավելի ճշգրիտ թարգմանություններ անել, հայտնում է Standard Examiner-ը: