18 տարին չլրացած անձանց խորհուրդ չի տրվում դիտել։
Արեւմտյան մամուլում նախկինում անհայտ կադրեր են հայտնվել, որոնք ցուցադրում են Լիբիայի նախկին նախագահ Մուամմար Քադաֆիի կյանքի վերջին րոպեները։ Նախքան ապստամբները կգնդակահարեին արնաշաղախ գնդապետին, նրան այդ վիճակում բեռնատարով հանրությանը ցուցադրության էին հանել։ Ազգային անցումային խորհրդի անդամներից մեկն, ընդ որում, մշտապես ատրճանակի թիրախում է պահում գերուն, փոխանցում է Lifenews-ը։
Հիշեցնենք, որ Մուամմար Քադաֆին սպանվել էր 2011թ. հոկտեմբերի 20-ին իր հայրենի Սիրթ քաղաքի մոտակայքում Լիբիայի անցումային խորհրդի մարտիկների եւ իր համախոհների միջեւ սկսված հրաձգության ընթացքում։ Նրա մահը առաջ էր բերել համաշխարհային հանրության բուռն արձագանքը։
Իրավապաշտպան կազմակերպությունները՝ ՄԱԿ-ը եւ Amnesty International-ը, պահանջել էին մանրակրկիտ ուսումնասիրել նրա մահվան հանգամանքները։
Տեղը, որտեղ թաղված է նրա մարմինը, գաղտնի է պահվում։