ԻՊ ահաբեկչական խմբավորման զինյալները Լիբիայի Սիրթ քաղաքում գլխատել են ազգությամբ մարոկկուհի Բելգիայի 22-ամյա մի քաղաքացու, որն անդամագրվել էր այդ խմբավորմանը, հայտնում է ՏԱՍՍ-ը՝ վկայակոչելով RTL-TVI-ն։

Հեռուստաընկերությունը չի հայտնում զոհի անունը, սակայն նշում է, որ նրան սպանել են շարիաթի օրենքների համաձայն՝ կախարդության համար։ «Նախկինում ԻՊ շարքերը համալրած Բելգիայի 22-ամյա քաղաքացուն հրապարակավ գլխատել են Սիրթ քաղաքում»,- հայտնել է հեռուստաընկերությունը։

Գրոհայինները համացանցում տեղադրել են սպանության տեսագրությունը։ «Մահապատժին հետեւող հանդիսատեսի շարքերում երեւում է 7-8 տարեկան մի երեխա»,- հայտնում է հեռուստաալիքը՝ հավելելով, որ Սիրթ քաղաքում, որը 2015թ. հունիսից Լիբիայում ԻՊ հենակետն է դարձել, կես տարվա ընթացքում մահապատժի է ենթարկվել 37 մարդ։