Հայաստանում անցել են միակուսակցական իշխանության ժամանակները։ Այս մասին փետրվարի 5-ին խորհրդարանական ճեպազրույցների ժամանակ ասել է ՀՅԴ խմբակցության քարտուղար Աղվան Վարդանյանը։

Նրա խոսքով՝ Սահմանադրական փոփոխությունները վերջ են դրել մեկ կուսակցության կողմից միանձնյա որոշումներ կայացնելուն։ Դա անխուսափելի է, ինչքան էլ որ փորձեն պառակտել Դաշնակցությունը կամ ՀՀԿ-ի եւ ՀՅԴ-ի  միջեւ սեպ խրեն։ «Կուսակցությունները պետք է համաձայնեցնեն խնդիրները լուշելու իրենց ծրագրերը։ Դրանում է սահմանադրական փոփոխությունների տրամաբանությունը։ Դրանից հետո անհեթեթ է ՀՅԴ-ՀՀԿ համագործակցության մեջ Մոսկվայի ձեռքի մասին կարդալը։ Աջ ու ձախ զառանցում են։ Անլուրջ է ի վերջո»,- ասել է Վարդանյանը։