Թուրքիայի նախագահ Ռեջեփ Թայիփ Էրդողանի քաղաքականությունը Թուրքիային կործանման եզրին է հասցրել, գրում է The Independent-ը։ Ներքին հակամարտություններում կրած պարտությունից եւ հարեւանների հետ լարված հարաբերություններից տուժում է թուրք ժողովուրդը, նշում է թերթը։
«Մինչեւ 2002թ. Արդարություն եւ զարգացում կուսակցության իշխանության գալը, Թուրքիան հետեւում էր Քեմալ Աթաթուրքի կտակին՝ խաղաղություն տանը, խաղաղություն սահմաններից դուրս։
Այն ժամանակ երկիրը ՆԱՏՕ-ում հարգված անդամ էր եւ ԵՄ անդակացմության հեռանկարներ ուներ։
Սակայն Էրդողանի ղեկավարած Արդարություն եւ զարգացում կուսակցության՝ իշխանության գալուց հետո երկրում իրավիճակը փոխվել է։ Աթաթուրքի ավանդած կտակը փոխվեց «զրո խնդրի հարեւանների հետ» քաղաքականությամբ, որի արդյունքում Թուրքիան կռվեց իր բոլոր հարեւանների հետ»,- գրում է թերթը։
Թուրքիան կարողացավ անգամ իրենից հեռացնել Ռուսաստանին այն բանից հետո, երբ Թուրքիայի ՌՕՈւ-ն Սիրիայի երկնքում խոցեց Սու-24 օդանավը, նշում է պարբերականը։
