Փետրվարի 4-ին, ժամը 15-ին, ոստիկանության Շենգավիթի բաժնի ծառայողները, գողություն կատարելու կասկածանքով, Նոր Խարբերդի 6-րդ փողոցից բերման են ենթարկել 43-ամյա Արսեն Մ.-ին:
Ոստիկանությունից NEWS.am-ին հայտնում են, որ նա տվել է խոստովանական բացատրություն, որ 2 տարի առաջ գողություն կատարելու նպատակով փորձել է մետաղյա լինգով կոտրել Նոր Խարբերդի տներից մեկի մուտքի դռան փականը, սակայն գողությունը մի քաղաքացու կողմից կանխվել է, որից հետո մետաղյա լինգը թողնելով` դիմել է փախուստի, իսկ 2015 թ. նոյեմբերին ցանկապատի վրայով մուտք է գործել նույն փողոցում գտնվող կիսակառույց տուն եւ այնտեղից գողացել 30 մ ռետինե խողովակ:
Ձեռնարկվում են միջոցառումներ տուժողներին հայտնաբերելու ուղղությամբ:
Կատարվում է հետաքննություն: